“Qarabağ” – “Omoniya” matçının hakimləri bilindi

UEFA Avropa Konfrans Liqasının qrup mərhələsinin 5-ci turu çərçivəsində keçiriləcək “Qarabağ” – “Omoniya” matçının hakimləri açıqlanıb.

Komanda.az xəbər verir ki, qarşılaşmanı Danimarkadan olan hakimlər briqadası idarə edəcək. Oyunun baş hakimi Morten Krox olacaq. Ona yan xətt hakimləri Nils Höq və Şteffen Bek Bramsen kömək edəcəklər.

Noyabrın 25-də, Tofiq Bəhramov adına Respublika stadionunda keçiriləcək “Qarabağ” – “Omoniya” matçı saat 21:45-də başlayacaq.