“Çelsi” 3 futbolçu ilə vidalaşmağı planlaşdırır

“Çelsi” qış transfer pəncərəsində bir neçə futbolçu ilə yollarını ayıra bilər.

Komanda.az xarici KİV-ə istinadən xəbər verir ki, Çesare Kasade, Ben Çiluell və Karne Çukvuameka London klubunu tərk edə bilər.

Adı çəkilən futbolçular Premyer Liqanın cari mövsümündə heç bir oyun keçirməyib.

İngiltərə çempionatının 16 turundan sonra aktivində 34 xal olan “Çelsi” turnir cədvəlinin 2-ci pilləsində qərarlaşıb. Enzo Mareskanın yetirmələri lider “Liverpul”dan 2 xal geri qalır.