Təbriz klubu doğma meydanda uduzdu

Futbol üzrə İran çempionatında 23-cü turun oyunları keçirilir.

Komanda.az xəbər verir ki, Cənubi Azərbaycanı təmsil edən “Maşinsazi” də növbəti matçına çıxıb.

Təbriz klubu doğma meydanda “Fulad Xuzistan” ilə qarşılaşıb və məğlubiyyətlə üzləşib – 0:1.

Təbrizin daha məşhur “Traktorsazi” klubu isə bu turda “İstiqlal Xuzistan” səfərinə yollanacaq.

Hazırda “Traktorsazi” 16 iştirakçı arasında 43 xalla 4-cü pillədə qərarlaşıb. “Maşinsazi” isə 25 xalla 9-cudu.