Təbriz klublarından biri evdə, digəri səfərdə uduzdu

Futbol üzrə İran çempionatında 18-ci turun oyunları keçirilib.

Komanda.az xəbər verir ki, Cənubi Azərbaycanı təmsil edən “Traktor”la “Maşinsazi” də növbəti matçına çıxıb.

“Traktor” səfərdə “Sepahan”la qarşılaşıb. Təbriz klubu bu oyundan məğlubiyyətlə ayrılıb – 0:2.

Təbrizin digər təmsilçisi “Maşinsazi” isə “İstiqlal”la ev oyununda 0:2 hesabıyla uduzub.

18 turdan sonra 26 xalı olan “Traktor” 16 kollektiv arasında 5-ci, 9 xala malik “Maşinsazi” isə sonuncu pillədə qərarlaşıb.