ÇL: “Bizdə dəqiqlik yox idi və çox səliqəsiz idik” – Tuxel

“Bayern”in baş məşqçisi Tomas Tuxel Çempionlar Liqasının qrup mərhələsinin 4-cü turu çərçivəsində “Qalatasaray” üzərində qazanılan qələbəni (2:1) şərh edib.

Komanda.az klubun rəsmi saytına istinadən xəbər verir ki, o, hər iki komandanın çıxışı ilə qürur duyduğunu bildirib:

“Əlimizdəki şanslardan istifadə etdik, lakin sürətli hücumlara gəldikdə kifayət qədər təsirli olmadıq. Bizdə dəqiqlik yox idi və çox səliqəsiz idik. Bu, ağır iş yükü ilə bağlı ola bilər. Enerji və nəzarətdən razı qaldım. Rəqibin cərimə meydançasında o qədər də aqressiv deyildik. Ümumiyyətlə, komandaların çıxışı ilə qürur duyuram”.

Bu qələbə ilə də Tuxelin komandası 1/8 finala vəsiqəni təmin edib.