Tuxel İngiltərə klubundan təklif gözləyir

“Çelsi”nin keçmiş baş məşqçisi Tomas Tuxel İngiltərə Premyer Liqasının daha bir top-klubu ilə çalışmaqda maraqlıdır.

Komanda.az xarici KİV-ə istinadən xəbər verir ki, almaniyalı mütəxəssis “Mançester Yunayted”ə rəhbərlik etmək istəyir. İngiltərə klubunun hazırkı baş məşqçisi Erik ten Haq komandadan qovulsa, Tuxel “Mançester Yunayted”in “sükanı arxasına” keçmək üçün favorit olacaq.

Tuxel əvvəllər “Çelsi”nin başında Çempionlar Liqası, UEFA superkuboku və Klublararası dünya çempionatının qalibi olub.

“Qırmızı şeytanlar” İngiltərə Premyer Liqasının ilk 7 turunda cəmi 8 xal toplayıb və turnir cədvəlinin 14-cü pilləsində qərarlaşıb.