Tuxel: “Keyn çox vacib penaltini vurdu”

“Bayern”in baş məşqçisi Tomas Tuxel Çempionlar Liqasının qrup mərhələsinin 1-ci turunun “Mançester Yunayted”lə oyununda (4:3) komandanın hücumçusu Harri Keynin çıxışını dəyərləndirib.

Komanda.az UEFA-nın mətbuat xidmətinə istinadən xəbər verir ki, Tuxel ingilis futbolçunun çox vacib penalti vurduğunu bildirib:

“Bu gün o, yarımmövqedə olmaqla fərqli funksiyanı yerinə yetirdi. O, komandanın cinahlarda sürətindən istifadə edərək geri çəkilib kömək etməli idi. Keyn ikinci hissədə digər komanda yoldaşları ilə yanaşı, daha fəal idi. Onun bəzi çətin anları oldu ki, bundan istifadə etdi. O, buraxılan qoldan dərhal sonra iki qolluq üstünlüyü qaytararaq, çox vacib penaltini vurdu”.

“Bayern” 3 xal toplayıb və A qrupunda liderliyə yüksəlib. “Mançester Yunayted” sonuncudur (0 xal).