ÇL: “Bizi çox emosional oyun gözləyir” – Tuxel

“Bayern”in baş məşqçisi Tomas Tuxel Çempionlar Liqasının 1/8 final mərhələsinin “Latsio” ilə oyunundan öncə danışıb.

Komanda.az UEFA-nın rəsmi saytına istinadən xəbər verir ki, almaniyalı mütəxəssis təzyiq altında olduqlarını bildirib:

“Bu cür təzyiq böyük bir imtiyazdır. Biz özümüzə inamlı qalmalıyıq, lakin özümüzə tənqidi yanaşmalıyıq. Nə qədər çox təzyiq altında olsaz, sakit qalmaq bir o qədər vacibdir.

“Latsio” çox intizamlı komandadır. Onlar həmişə özlərinə və taktikalarına sadiqdirlər. Mauritsio Sarrinin istənilən komandası kimi, “Latsio” da xətlər arasında az boşluq buraxır və ümumiyyətlə, onların müdafiəsini ram etmək olduqca çətindir. Düşünürəm ki, bizi çox emosional oyun gözləyir”.

“Latsio” – “Bayern” qarşılaşması bu gün saat 00:00-da başlayacaq.