“Fənərbaxça”da Özil şoku

Türkiyənin “Fənərbaxça” klubu Avropa Liqasının qrup mərhələsinin 2-ci turunda “Olimpiakos”la (Yunanıstan) qarşılaşacaq.

Komanda.az xəbər verir ki, İstanbul təmsilçisi sözügedən oyunda yarımmüdafiəçi Məsut Özilin köməyindən istifadə edə bilməyəcək. Bu barədə Türkiyə mətbuatı məlumat yayıb. 33 yaşlı oyunçu qrip olduğu üçün “Olimpiakos”la matçın heyətindən çıxarılıb.

Bu gün keçiriləcək “Fənərbaxça” – “Olimpiakos” matçı saat 20:45-də başlayacaq.