“Trabzonspor”un futbolçusu İtaliya klubunda

Türkiyənin “Trabzonspor” klubunun futbolçusu Kaleb Ekuban karyerasını İtaliyada davam etdirəcək.

Komanda.az xəbər verir ki, 27 yaşlı hücumçu “Cenoa”ya keçəcək. Ekuban yaxın zamanda yeni klubu ilə rəsmi müqavilə imzalayacaq.

“Trabzonspor” klubu Ekubanın transferi üçün “Cenoa” ilə danışıqlara başlanıldığını açıqlayıb.

Ekuban 2019-cu ilin yayından “Trabzonspor”da çıxış edir. O, bu komanda ilə 103 oyunda 29 qol vurub, 18 məhsuldar ötürmə edib.