Tokio-2020: Türkiyə növbəti “qızıl”ını qazandı

Türkiyənin qadın boksçusu Busenaz Sürmeneli Tokio-2020 Yay Olimpiya Oyunlarında qızıl medal qazanıb.

Komanda.az xəbər verir ki, 69 kq-da mübarizə aparan idmançı final görüşündə çinli Gu Honq ilə qarşılaşıb. Döyüş Busenazın qələbəsiylə başa çatıb.

Türkiyə tarixində ilk dəfə qadın boksçu Olimpiya Oyunlarında çempion olub.

Bundan əvvəl Türkiyə təmsilçisi Mete Qazoz Tokio-2020-də kamandan oxatma yarışında qızıl medal qazanmışdı.