“Qalatasaray”la “Fənərbaxça”nın oyununu Ronaldo da izləyəcək

Bu gün Səudiyyə Ərəbistanında “Qalatasaray”la “Fənərbaxça” arasında keçiriləcək Türkiyə superkuboku oyununu izləyənlər arasında “Əl-Nəsr”in hücumçusu Kriştiano Ronaldo da olacaq. 

Komanda.az “Sabah”-a istinadən xəbər verir ki, portuqaliyalı forvard oyunu tribunadan izləyəcək. Ronaldo hətta matçdan əvvəl “Qalatasaray”ın son məşqini izləyib.

Səudiyyə Ərəbistanı Futbol Federasiyası Ronaldodan başqa, Mirça Luçesku, Roberto Mançini, Vinçentso Montella və çempionatlarında çıxış edən bir neçə məşhur futbolçunu da stadiona dəvət edib.

Oyun kommersiya gəliri məqsədi ilə Səudiyyə Ərəbistanında keçirilir. “Əl-Əvvəl Park” stadionunda oynanılacaq matç Bakı vaxtı ilə saat 21:45-də start götürəcək.