Türkiyə Super Liqasında 3 oyun təxirə salınıb

Türkiyə Super Liqasının 3-cü turunun üç oyunu təxirə salınıb.

Komanda.az xəbər verir ki, bu barədə yerli federasiyanın mətbuat xidməti məlumat yayıb.

“Qalatasaray” – “Qaziantep”, “Trabzonspor” – “Kayserispor” və “Samsunspor” – “Başakşəhər” görüşləri təxirə salınıb.

Buna “Qalatasaray” (Çempionlar Liqası), “Trabzonspor” və “Başakşəhər”in (hər ikisi Konfrans Liqası) avrokubokların pley-off mərhələsində mübarizə aparması səbəb olub.

Avropa Liqasında yer alan “Beşiktaş” isə təqvimə əsasən 3-cü turda meydana çıxmayacaq.

Super Liqada 3-cü turun oyunları növbəti həftəsonu baş tutacaq.