“Türkiyə millisinin səviyyəsi yüksəkdir” – Niderlandlı futbolçu

Niderland millisinin yarımmüdafiəçisi Xavi Simons Avropa çempionatının Türkiyə ilə son oyunu haqda fikirlərini bölüşüb.

Komanda.az “sport.es”-ə istinadən xəbər verir ki, niderlandlı futbolçu qələbəni asan qazanmadıqlarını bildirib:

“Çox gərgin oyun oldu. Rəqibin səviyyəsi yüksəkdir. Qələbə qazanıb irəliyə getməyi bacardıq, amma bu, bizim üçün asan olmadı. İndi İngiltərə yığmasını təhlil etməli olacağıq. Bu matç bizim üçün çətin sınaq olacaq. Amma azarkeşlərimizi sevindirməyə çalışacağıq”.

İyulun 6-da baş tutan görüş Niderland millisinin 2:1 hesablı qələbəsi ilə başa çatıb.

Niderland və İngiltərə milliləri arasındakı yarımfinal oyunu iyulun 10-da keçiriləcək.