Türkiyə millisinin Millətlər Liqasındakı rəqibi bilindi

Türkiyə millisinin UEFA Millətlər Liqasındakı rəqibi məlum olub.

Komanda.az xəbər verir ki, “ay-ulduzlular” A/B Liqası pley-offunda Macarıstanla üz-üzə gələcək.

Bundan əlavə, Ukrayna Belçika ilə, Avstriya Serbiya ilə, Yunanıstan isə Şotlandiya ilə qarşılaşacaq.

Qalib komandalar növbəti mövsüm A Liqasında, məğlublar isə B Liqasında mübarizə aparacaqlar.

Türkiyə millisi ilk matçını martın 20-də evdə, cavab görüşünü isə üç gün sonra səfərdə keçirəcək. Vinçenso Montellanın rəhbərlik etdiyi komanda B Liqasının 4-cü qrupunda 11 xalla ikinci olmuşdu.