“Trabzonspor” PSJ-nin futbolçusunu icarəyə götürmək istəyir

PSJ-nin yarımmüdafiəçisi Renato Sançes karyerasını Türkiyə Super Liqasında davam etdirə bilər.

Komanda.az “Sports.Yahoo”-ya istinadən xəbər verir ki, portuqaliyalı futbolçu ilə “Trabzonspor” maraqlanır.

Parislilərin planlarında yer almayan Sançesin icarəyə verilməsi gündəmdədir.

28 yaşlı oyunçu ötən mövsüm icarə əsasında “Benfika”da çıxış edib. O, Portuqaliya klubunun heyətində 10 oyuna çıxıb.