“Fənərbaxça” norveçli hücumçunu istəyir

“Atletiko”nun hücumçusu Aleksander Sörlot hələ də “Fənərbaxça”nın transfer siyahısının başında yer alır.

Komanda.az xarici KİV-ə istinadən xəbər verir ki, Madrid klubu norveçli forvardı satmaqda maraqlı deyil, ancaq 35 milyon avronu aşan təkliflər dəyərləndirilə bilər.

Buna baxmayaraq, Sörlot hazırkı mərhələdə Türkiyəyə keçidi prioritet kimi görmür.

29 yaşlı futbolçu cari mövsümdə bütün turnirlərdə 14 oyunda meydana çıxıb və 2 qol vurub. Onun “Atletiko” ilə müqaviləsinin müddəti 2028-ci ilə qədərdir.