“Qalatasaray” Falkao ilə yollarını ayırdı

Türkiyənin “Qalatasaray” klubu futbolçusu Radamel Falkao ilə yollarını ayırıb.

Komanda.az xəbər verir ki, bu barədə klubun mətbuat xidməti məlumat yayıb. Kolumbiyalı hücumçu ilə müqaviləyə qarşılıqlı razılaşma əsasında xitam verilib.

Falkao 2019-cu ilin sentyabrından “Qalatasaray”da çıxış edirdi. O, İstanbul təmsilçisi ilə 43 oyunda 20 qol vurub.