Cimmi ilə müqavilə imzaladılar

Türkiyənin “Fatih Karagümrük” klubu heyətini yeni futbolçu ilə gücləndirib.

Komanda.az xəbər verir ki, Super Liqa təmsilçisi Cimmi Durmazı heyətinə qatıb. Bu barədə klubun mətbuat xidməti məlumat yayıb. 32 yaşlı yarımmüdafiəçi ilə 2 illik müqavilə imzalanıb.

İsveç milli komandasında 49 oyuna çıxan Cimmi daha əvvəl Türkiyədə “Qalatasaray” klubunda çıxış edib.