“Qalatasaray” “Tottenhem”in hücumçusu ilə maraqlanır

“Tottenhem”in braziliyalı hücumçusu Riçarlisonun karyerasını Türkiyə Super Liqasında davam etdirmək ehtimalı var.

Komanda.az “Teamtalk”-a istinadən xəbər verir ki, 28 yaşlı forvardla “Qalatasaray” maraqlanır.

“Transfermarkt” portalı Riçarlisonun bazar dəyərini 20 milyon avro qiymətləndirir. Onun “Tottenhem”lə müqaviləsinin müddəti 2027-ci ilin iyununa qədərdir.

Riçarlison son İngiltərə Premyer Liqası mövsümündə London klubunun heyətində 15 matçda meydana çıxıb, 4 qol vurub və 1 məhsuldar ötürmə ilə yadda qalıb.