“Turan Tovuz”un Kürdəxanı layihəsindən yeni xəbər

“Turan Tovuz”un Kürdəxanı layihəsinin inşası sürətlə davam edir.

Komanda.az xəbər verir ki, bu barədə Tovuz klubu məlumat yayıb.

Məşq bazasının tikintisi ilə yanaşı, meydançaların ot örtüyünün ideal vəziyyətə gətirilməsi üçün son tamamlama işləri aparılır.

Kürdəxanı layihəsi ciddi maliyyə xərclərindən azad olmaq və Tovuz klubunun bütün yaş qrupları üzrə komandalarının Bakı səfəri zamanı rahat şəkildə oyunöncəsi məşqlərini təbii örtüklü meydançalarda həyata keçirməsi üçün nəzərdə tutulub.