“Turan Tovuz”la “Kəpəz” cərimələndi

AFFA İntizam Komitəsinin iclası keçirilib.

Komanda.az xəbər verir ki, bu gün keçirilən iclasda Premyer Liqanın 19-cu turu ilə bağlı aşağıdakı qərarlar qəbul edilib:

“Turan Tovuz” – “Qarabağ” oyununda “Turan Tovuz”un azarkeşləri hakimlərə qarşı təhqiramiz ifadələr işlətdiyinə görə klub 4000 manat cərimə olunub.

“Turan Tovuz” klubunun azarkeşləri tərəfindən meydançaya kənar əşyalar atıldığına görə klub 1600 manat cərimə olunub.

“Kəpəz” – “Qəbələ” oyununda Təcili Tibbi Yardım oyuna gecikdiyinə görə meydan sahibi klub 1600 manat cərimə olunub. Oyundan əvvəl polis iclasa gəlmədiyinə görə meydan sahibi klub 800 AZN cərimə olunub.