“Turan Tovuz”dan futbolçusu ilə yeni müqavilə

“Turan Tovuz” müdafiəçisi Roderik Millerlə müqavilə müddətini artırıb.

Komanda.az xəbər verir ki, bu barədə klubun mətbuat xidməti məlumat yayıb.

Panamalı futbolçu ilə 1+1 illik yeni müqavilə imzalanıb.

2022/23 mövsümündən “Turan Tovuz”da oynayan Miller artıq 58 matça çıxıb, 10 qol vurub.

Panama millisinin də şərəfini qoruyan Millerin Tovuz təmsilçisi ilə müqaviləsinin müddəti gələn yay başa çatacaqdı.