“Turan Tovuz”da kolumbiyalı futbolçu – Rəsmi

“Turan Tovuz” kolumbiyalı futbolçu Hayderson Hurtadonu heyətinə qatıb.

Komanda.az xəbər verir ki, bu barədə bölgə təmsilçisinin mətbuat xidməti məlumat yayıb.

29 yaşlı müdafiəçi ilə 2,5 illik müqavilə imzalanıb.

Peşəkar karyerasına Braziliyada başlayan oyunçu bu ölkənin “Genus”, “İtarare”, “Azuriz”, “Parana”, Slovakiyanın “Sered”, “Skalitsa” klublarının şərəfini qoruyub. O, son olaraq Çexiyada “Yablonets”in formasını geyinib.