“Turan Tovuz”un yubiley qolu

“Turan Tovuz” Azərbaycan çempionatlarında 50-ci qolunu vurub.

Komanda.az PFL-in saytına istinadən xəbər verir ki, qərblilərin yubiley qoluna Ayxan Hüseynov imza atıb.

O, Premyer Liqanın 10-cu turunun “Qarabağ”la ev matçında fərqlənib. 2:2 hesabı ilə başa çatan qarşılaşmada son qolu vuran Ayxan Tovuz klubunun “50”-yə 46-cı matçda çatmasına töhfə verib.

“Turan Tovuz” yarışın tarixinə ən azı 50 qol vuran 43-cü komanda kimi düşüb. Tovuzun Premyer Liqadakı ikinci təmsilçisi olan “Turan Tovuz”un ilk qolu ötən mövsümə təsadüf edib. 2022-ci il avqustun 13-də “Səbail”lə səfər matçında Natan Oduva qələbə qoluna imza atıb – 1:0.