“Turan Tovuz” Gürcüstanda bu gün ilk oyununa çıxacaq

Gürcüstanda təlim-məşq toplanışında olan “Turan Tovuz” bu gün ilk yoxlama oyununa çıxacaq. 

Komanda.az xəbər verir ki, Tovuz təmsilçisi Tibilisi “Merani”si ilə üz-üzə gələcək. Oyun saat 17:00-da başlayacaq. 

Yeni mövsümdə Azərbaycan Premyer Liqasında mübarizə aparacaq “Turan Tovuz” hazırlıq prosesi çərçivəsində daha 2 yoxlama oyunu keçirəcək. Dörd gün sonra “Dinamo” (Tibilisi) ilə qarşılaşacaq komanda iyulun 29-da “Qaqra” (Tibilisi) ilə görüşəcək.