“Sumqayıt” iranlı futbolçu ilə razılaşdı

Transfer çalışmalarını davam etdirən “Sumqayıt” klubu heyətini yeni futbolçu ilə gücləndirməyə hazırlaşır.

Komanda.az xəbər verir ki, “kimyaçılar” son olaraq İranın “Paykan” klubunda çıxış edən Höccət Haqverdini transfer etməyə yaxındır. Bu barədə “persianfootball” portalı məlumat yayıb.

Xəbərdə, “Sumqayıt”ın 27 yaşlı müdafiəçi ilə razılaşdığı bildirilib. Haqverdi yaxın zamanda “kimyaçılar”ın düşərgəsinə qoşulacaq.

İranda “Aboomoslem”, “Zob Ahan” və “Paykan” kimi klublarda çıxış edən Höccət hazırda azad agentdir. Futbolçunun “transfermarkt”da dəyəri 300 min avrodur.

“Sumqayıt” qış transfer pəncərəsi dövründə “Neftçi”dən Cabir Əmirlini icarəyə götürüb.