“Traktor” yenə qələbə qazana bilmədi

Futbol üzrə İran çempionatında 20-ci turun oyunları keçirilib.

Komanda.az xəbər verir ki, Cənubi Azərbaycan təmsilçisi “Traktor” da növbəti matçına çıxıb.

Təbriz klubu doğma meydanda “Sepahan”la qarşılaşıb. “Traktorçular” bu oyundan heç-heçə ilə ayrılıblar – 2:2. Komanda artıq 10 oyundur qələbəyə həsrətdir.

“Traktor” 20 turdan sonra 16 xalla 16 kollektiv arasında 13-cü pillədə qərarlaşıb.