“Traktor” ilk məğlubiyyətini aldı

Futbol üzrə İran çempionatında 8-ci turun oyunları keçirilib.

Komanda.az xəbər verir ki, Cənubi Azərbaycanı təmsil edən klublar – “Traktor”la “Maşinsazi” də növbəti matçına çıxıb.

“Maşinsazi” doğma meydanda “Naft MİS” ilə qarşılaşıb. Bu oyunda qapılara qol vurulmayıb – 0:0.

Təbrizin daha məhşur “Traktor” klubu isə səfərdə “Sanat Naft”la qarşılaşıb. Cənubi Azərbaycan təmsilçisi bu görüşdə məğlubiyyətlə üzləşib – 1:2.

İlk məğlubiyyətini alan “Traktor” hazırda 17 xalla 16 kollektiv arasında 2-ci, “Maşinsazi” isə 8 xalla 11-ci pillədə qərarlaşıb.