Tottinin oğlu La Liqa klubuna keçib

“Roma”nın sabiq futbolçusu Françesko Tottinin böyük oğlu Kristian Totti “Frozinone” ilə müqaviləsini ləğv edib.

Komanda.az “Sky Sport Italia”-ya istinadən xəbər verir ki, 18 yaşlı futbolçu İspaniyanın “Rayo Valyekano” klubuna keçib. Gənc futbolçu artıq yeni komandası ilə ilk məşqinə çıxıb.

Kristian Totti hücumçu kimi çıxış edir. O, “Roma”nın akademiyasının yetirməsidir. 

“Rayo Valyekano” 20 oyundan 23 xal toplayaraq İspaniya çempionatının turnir cədvəlində 13-cü yerdədir.