Konte: “O, dünyanın ən yaxşı müdafiəçilərindən biri ola bilər”

“Tottenhem”in baş məşqçisi Antonio Konte futbolçusu Erik Dayer haqda fikirlərini bildirib.

Komanda.az xəbər verir ki, “Daily Mail” nəşrinə danışan italyan mütəxəssis, 27 yaşlı müdafiəçini tərifləyib:

“Dayer dünyanın ən yaxşı müdafiəçilərindən biri ola bilər. O, bunun üçün çox çalışmalı və daim üzərində işləməlidir. Liderlik xüsusiyyətlərini daha çox göstərməlidir. Dayerin yaxşı potensialı var. Çox güclü futbolçudur. Daha əvvəl yarımmüdafiədə oynadığı üçün texniki tərəfi də çox yaxşıdır”.

Dayer bu mövsüm Premyer Liqada 15 oyuna çıxıb.