“Tottenhem” Vernerlə bağlı qərar verib

“Tottenhem” hücumçusu Timo Vernerin gələcəyi ilə bağlı qərar verib.

Komanda.az “GiveMeSport”-a istinadən xəbər verir ki, London klubu 28 yaşlı futbolçunun satınalma variantını aktivləşdirməyi planlaşdırmır.

“Tottenhem”in baş məşqçisi Ange Postekoqlu ötən gün Verneri Avropa Liqası matçında zəif çıxışına görə tənqid etsə də, sonradan təkzib edərək, sadəcə, onun oyununu dəyərləndirdiyini açıqlamışdı.

Verner 2024/25 mövsümündə “Tottenhem”in 19 matçında iştirak edib, 1 qol vurub və 3 məhsuldar ötürmə verib. Onun hüquqları “Leyptsiq”ə məxsusdur.