İngiltərə klubu Terziçin namizədliyini nəzərdən keçirir

Dortmund “Borussiya”sının keçmiş baş məşqçisi Edin Terziç “Tottenhem”in maraq dairəsindədir.

Komanda.az “GiveMeSport”-a istinadən xəbər verir ki, London klubunun rəhbərliyi hələ Angelos Postekoqlu ilə ayrılmağı planlaşdırmır. Ancaq komandanın nəticələri tezliklə yaxşılaşmasa, avstraliyalı çalışdırıcı qovula bilər.

“Tottenhem” hazırda işsiz olan Terziçin namizədliyini nəzərdən keçirir. 42 yaşlı mütəxəssis ötən mövsümün sonunda “Borussiya”nın baş məşqçi postunu tərk edib. “Arılar” onun rəhbərliyi altında UEFA Çempionlar Liqasının finalına yüksəlmişdilər.

“Tottenhem” hazırda Premyer Liqanın turnir cədvəlinin 15-ci pilləsində qərarlaşıb.