“Tottenhem” yeni transfer üçün 45 milyon avro ödəyib

“Tottenhem”in hücumçu Matis Tel üçün “Bayern”ə nə qədər pul ödədiyi məlum olub.

Komanda.az xarici KİV-ə istinadən xəbər verir ki, tərəflər fransalı futbolçunun 45 milyon avroya transferi ilə bağlı razılığa gəliblər və forvardla 6 illik müqavilə imzalanıb. İngiltərə klubu bu gün Teli aldığını rəsmən açıqlayıb.

“Tottenhem” 20 yaşlı hücumçunu 2024/25 mövsümünün əvvəlində Münhen klubundan icarəyə götürüb. O, bu müddət ərzində bütün turnirlərdə 20 matçda meydana çıxıb, 3 qol vurub və 1 məhsuldar ötürmə edib.