“Tottenhem” futbolçusunu Liqa 1 klubuna icarəyə verdi

Fransanın “Renn” klubu heyətini yeni futbolçu ilə gücləndirib.

Komanda.az xəbər verir ki, Liqa 1 təmsilçisi İngiltərənin “Tottenhem” klubunun müdafiəçisi Co Rodonu heyətinə qatıb. Bu barədə klubun rəsmi saytı mlumat yayıb. Uelsdən olan 24 yaşlı futbolçu 2022/23 mövsümünün sonuna kimi icarəyə götürülüb.

Co Rodon “Suonsi”nin yetirməsidir. O, 2018-ci ildə “Çeltnem Taun”da da icarədə oynayıb. Uelsli futbolçu 2020-ci ildən “Tottenhem”də çıxış edir. Lakin əsas heyət üzvünə çevrilə bilməyən müdafiəçi, burada cəmi 24 oyuna çıxıb. Mərkəz müdafiəçisi Uels yığmasında 28 oyun keçirib.

Bizi Telegramda izləyin