“Tottenhem” belçikalı futbolçu üçün 70 milyon avro ödəyəcək?

“Everton”un yarımmüdafiəçisi Amadu Onana karyerasını “Tottenhem”də davam etdirə bilər.

Komanda.az xarici KİV-ə istinadən xəbər verir ki, “Tottenhem” belçikalı futbolçunun xidmətində maraqlıdır. “Everton” yarımmüdafiəçi üçün təxminən 70 milyon avro ödəniləcəyi təqdirdə, onu satmağa hazırdır.

Onana İngiltərə Premyer Liqasının cari mövsümündə 24 oyun keçirib və 2 qol vurub.