“Tottenhem” azarkeşlərindən “Arsenal”ı ələ salan sual

London “Tottenhem”i doğma meydanda “Mançester Siti”yə 0:2 hesabı ilə uduzub. 

Bu nəticə Londonun digər təmsilçisi “Arsenal”ın Premyer Liqa çempionluğu şanslarını kəskin şəkildə azaldıb.

Komanda.az xarici KİV-ə istinadən xəbər verir ki, dünən keçirilən oyunda Mançester klubunun forvardı Erlinq Haland hesabı açanda, “Tottenhem” azarkeşləri “İzləyirsən, “Arsenal”?” – deyə, qışqırıblar. 

İndi İngiltərə çempionu titulunu təmin etmək üçün “Mançester Siti”yə son turda evdə “Vest Hem”i məğlub etmək kifayətdir. “Arsenal” isə “Everton”u məğlub etməli və “şəhərlilər”in büdrəməsinə ümid etməlidir.