“Torino” baş məşqçi postunu ona tapşıra bilər

İtaliyalı sabiq futbolçu Daniele De Rossi tezliklə məşqçiliyə qayıda bilər.

Komanda.az xarici KİV-ə istinadən xəbər verir ki, “Torino” rəhbərliyi 42 yaşlı mütəxəssisi baş məşqçi postuna namizəd kimi nəzərdən keçirir.

Komandanın hazırkı çalışdırıcısı Marko Baroninin klubdakı gələcəyi isə böyük risk altındadır. “Buğalar” qarşıdakı 6-cı turda “Latsio”ya uduzacağı halda, onunla yolların ayrılması gözlənilir. Artıq klubla De Rossi arasında ilk müsbət təmasların qurulduğu qeyd olunur.

De Rossi sonuncu dəfə “Roma”da çalışıb. O, bu postu 2024-cü ilin yanvarından sentyabrına qədər icra edib.

“Torino” hazırda A Seriyasında 4 xalla turnir cədvəlinin 15-ci pilləsində qərarlaşıb.