“Top Messidə olarkən, onu saxlamaq mümkünsüz olur”

UEFA Çempionlar Liqasının qrup mərhələsinin 5-ci turu çərçivəsində “Barselona”ya 1:3 hesabı ilə məğlub olan “Borussiya”nın (Dortmund) baş məşqçisi Lusyen Favr oyundan sonra açıqlama verib.

Komanda.az Almaniya mətbuatına istinadən xəbər verir ki, Favr, oyunla bağlı bunları deyib:

“Kamp Nou”da oynamaq çox çətindir, rəqibin keyfiyyətli futbolçuları var. Tez qol buraxanda, rəqibin hücumçuları daha təhlükəli olur. Hazırda bizim üçün çətin bir dövrdür, amma hər şeyi dəyişdirə biləcəyimizə inanıram.

Lionel Messi matç ərzində çox yaxşı oyun göstərdi. Top Messidə olarkən, onu saxlamaq mümkünsüz olur. Sadəcə, qaydanı pozaraq onu saxlamaq olar. Messi həqiqətən inanılmaz bir futbolçudur”.