Sabiq futbolçu Leao haqda: “Niyə hamının danışdığı bu fenomenə heç kim baxmır?”

“Milan”ın sabiq hücumçusu Antonio Kassano keçmiş komandasının portuqaliyalı forvardı Rafael Leaonu almaq üçün təkliflərin olmaması haqda danışıb.

Komanda.az xəbər verir ki, italiyalı sabiq futbolçu “Milan News” nəşrinə açıqlamasında bunları deyib:

“Mançester Siti” Ömər Marmuşu 75 milyon avroya Frankfurt “Aytntraxt”ından alır, PSJ Xviça Kvaratsxeliyanı 75 milyon avroya transfer edir. Niyə dünyanın ən yaxşı komandaları “Bayern”, “Barselona”, ​​”Real”, “Mançester Siti” onu nəzərə almır? Mixail Mudrik üçün 100 milyon avro ödəyiblər, niyə gedib bu futbolçuları özlərinə götürürlər və hamının danışdığı bu fenomenə heç kim baxmır? Sual!”

Leao bu mövsüm “Milan”ın heyətində bütün turnirlərdə 26 oyun keçirib, 7 qol vurub və 7 məhsuldar ötürmə edib. Onun hazırkı klubu ilə müqaviləsi 2028-ci ilin yayına qədərdir.