“Tobol”da Emil də fərqləndi

Qazaxıstanın “Tobol” klubunda ölkə çempionatının ilk turundan sonra ən yaxşı 3 oyunçunun adı məlum olub.

Komanda.az xəbər verir ki, “İrtış”ı 3:0 hesabıyla məğlub edən “Tobol”da Azat Nurqaliyev, Nika Kvekveskiri və Emil Balayev oyunun ən yaxşıları seçilib. Bu barədə klubun rəsmi saytı məlumat yayıb.

Azərbaycan millisinin üzvü Emil, “İrtış”la matçda qapıya gələn 15 zərbənin 5-ni dəf etməyi bacarıb.

Emil qış fasiləsində azad agent kimi “Tobol”a keçib.