Emil Balayev – 339 dəqiqə

“Tobol”da çıxış edən Azərbaycan millisinin üzvü Emil Balayev Qazaxıstan çempionatında 339 dəqiqədir ki, qol buraxmır.

Komanda.az xəbər verir ki, bu barədə “Tobol” klubunun rəsmi saytı məlumat yayıb. Balayevi bu göstəricidə “Kayrat”ın qapıçısı Stas Pokatilov izləyir. 26 yaşlı qolkiper 277 dəqiqədir ki, qapısında qol görmür.

Emil Balayev sonuncu dəfə iyulun 28-də, “Kaysar”la keçirilən görüşdə qol buraxmışdı. Onun komandası sözügedən qarşılaşmada 2 cavabsız qolla məğlub olmuşdu.

Emil hazırkı mövsümdə Qazaxıstan çempionatında ən uzun “quru seriya”ya malik qapıçı ünvanını daşıyır. O, bundan əvvəl 683 dəqiqə qapısını toxunulmaz saxlamışdı.