Teymur Rəcəbov Pepenin təklifini qəbul etdi

Dünya çempionu Maqnus Karlsenin təşkil etdiyi onlayn turnirdən kənarda qalan Azərbaycan şahmatçısı Teymur Rəcəbov başqa bir analoji yarışa qatılacaq.

Komanda.az xəbər verir ki, 33 yaşlı qrossmeyster ispaniyalı Pepe Kuensanın dəvətini qəbul edib. 8 şahmatçının iştirak edəcəyi yarış bu gün start götürəcək. Olimpiya sistemi ilə keçiriləcək turnir 1/4 final mərhələsindən başlayacaq. 

Rəcəbovun ilk sınağı Bakı vaxtı ilə saat 19:00-da ispaniyalı şahmatçı David Antona qarşı olacaq.

Şahmatçılar hər gedişə 2 saniyə əlavə edilməklə 3 dəqiqəlik görüşə çıxacaqlar. İştirakçılar qarşılaşma zamanı danışa bilməzlər. (Report)