Rəcəbov: “Karlsenin şahmat tacı uğrunda görüşdən imtina edəcəyini əvvəlcədən bilsəydim…”

Azərbaycanlı şahmatçı Teymur Rəcəbov “gazeta.ru” saytına açıqlama verib.

Komanda.az xəbər verir ki, o, İddiaçılar Turniri haqda fikir bildirib:

“Maqnus Karlsenin şahmat tacı uğrunda görüşdən imtina edəcəyini əvvəlcədən bilsəydim, İddiaçılar Turnirində başqa cür oynayardım.

İki məğlubiyyətdən sonra daha rahat davranmağa və ümumiyyətlə, başqa şahmat oynamağa başladım. Məsuliyyət aradan qalxdı, məndən gözləntinin olmadığını başa düşdüm və sərbəst oynadım”.

Norveçli Maqnus Karlsenin imtinasından sonra çinli Din Liren şahmat tacı uğrunda görüşdə rusiyalı Yan Nepomnyaşiyə rəqib olub və onu məğlub edib.