Ter Ştegen “Barselona” ilə razılığa gəldi

“Barselona” qapıçısı Mark-Andre ter Ştegenlə yeni müqaviləyə dair razılığa gəlib.

Komanda.az xəbər verir ki, bu barədə İspaniyanın “Sport” nəşri məlumat yayıb.

Kataloniya təmsilçisiylə alman qolkiper arasındakı yeni müqavilənin 5 illik olacağı qeyd olunub. 28 yaşlı qapıçının məvacibində də ciddi artım olacağı bildirilir.

Qeyd edək ki, 2014-cü ildə Münhenqladbax “Borussiya”sından transfer olunan Ter Ştegenin “Barsa” ilə indiki müqaviləsinin müddəti 2022-ci ilin yayına qədərdi. Son dövrlərdə onun “Bavariya”ya transfer olunacağına dair də xəbərlər dolaşırdı.