Ten Haq: “Bütün mövqelərə oyunçular axtarırıq”

“Mançester Yunayted”in baş məşqçisi Erik ten Haq yeni mövsüm başlamazdan əvvəl gücləndirilə biləcək mövqelərlə bağlı fikirlərini bölüşüb.

Komanda.az xarici KİV-ə istinadən xəbər verir ki, niderlandlı çalışdırıcı bütün mövqelərə oyunçular axtardıqlarını bildirib:

“Biz bütün mövqelər üçün oyunçular axtarırıq. Heyətimizin balanslaşdırılmış olduğundan əmin olmaq üçün müəyyən plana ehtiyacımız var”.

Bu transfer pəncərəsində “qırmızı şeytanlar”ın sıralarına hücumçu Coşua Zirkze və müdafiəçi Leni Yoro qoşulub.

“Mançester Yunayted” ötən mövsüm İngiltərə kubokunun qalibi olub. Ten Haqın komandası Premyer Liqada zəif çıxış edərək, 8-ci pillədə qərarlaşıb.