Ten Haq: “Bizə komanda olaraq lazım olan budur”

“Mançester Yunayted”in baş məşqçisi Erik ten Haq İngiltərə çempionatının 13-cü turunda “Everton”la oyunda (3:0) hücumçuların hədəflərini şərh edib.

Komanda.az klubun rəsmi saytına istinadən xəbər verir ki, o, eyni zamanda yarımmüdafiəçi Bruno Fernandesin kapitan kimi çıxışından danışıb:

“Hücum edən oyunçularımızdan üçü qol vurdu, bu çox yaxşıdır. Bizə komanda olaraq lazım olan budur. Bu, komanda olaraq bizə kömək edəcək. Mən dedim ki, mövsümə uğurlu girmək üçün lazımdır. Bu, onlara inam verəcək və biz bunu növbəti oyuna özümüzlə aparmalıyıq.

Fernandesin nə qədər böyük kapitan olduğunu gördüz. Komandada bu lazımdır. Bu cür liderliyə ehtiyacımız var, siz bir-birinizi dəstəkləyirsiz, bir-birinizin arxasında durursuz və bir-birinizə güvən verirsiz, çünki bilirsiz ki, uğurlu mövsüm üçün sizə lazım olan budur”.

13 turdan sonra “qırmızı şeytanlar” Premyer Liqada 24 xalla altıncı pillədə qərarlaşıb. Çempionata “Arsenal” başçılıq edir (30 xal).