Tehran Məmmədov və İsa Rüstəmov Avropa çempionatında iştirak etdilər

Bolqarıstanın paytaxtı Sofiyada keçirilən ağırlıqqaldırma üzrə Avropa çempionatı davam edir.

Komanda.az xəbər verir ki, 43 ölkədən 402 atletin (202 kişi + 200 qadın) iştirak edəcəyi yarışda Azərbaycan yığma komandasının üzvləri də çıxış edirlər.

Onlardan iki nəfər – Tehran Məmmədov və İsa Rüstəmov körpücük üzərinə qalxıblar. Onlar 67 kq çəki dərəcəsinin B qrupunda qüvvələrini sınayıblar.

Tehran toplam 275 kq (125+150) nəticə ilə bu qrupda 4-cü olub. İsa toplam 299 kq (137+162) nəticə ilə bu qrupda 1-ci olub.

Atletlərimizin yekun sıralamadakı yeri bu çəki dərəcəsinin A qrupunda çıxışlar başa çatandan sonra məlum olacaq.