La Liqanın rəhbəri Ançelottinin təhdidinə cavab verdi

İspaniya La Liqasının rəhbəri Xavyer Tebas “Real”ın baş məşqçisi Karlo Ançelottinin “Vilyarreal”la 28-ci tur matçından (2:1) sonra komandasının oyunlar arasında ən azı 72 saat istirahət etməsə, bir daha meydana çıxmayacağını deməsinə münasibət bildirib.

Komanda.az xarici KİV-ə istinadən xəbər verir ki, o, bunu söyləyib:

“Ançelotti əminəm ki, Emilio Butragenyonu (“Real” rəsmisi) nəzərdə tutur. Sizə La Liqanın “Real Sosyedad”la (İspaniya kuboku) yarımfinalından əvvəl daha çox vaxt vermək üçün “Leqanes”lə matçınızın şənbə günü saat 16:15-ə təyin edildiyi bildirildi. Amma Emilio görüşün saat 21:00-a təxirə salınmasını istəyib. İnanıram ki, sizin məlumatınız və icazəniz FİFA-nın beynəlxalq fasiləsindən sonra qayıdanların həyatını asanlaşdıracaq. Bu səbəbdən, şənbə günü matçın final fiti ilə yarımfinal arasında 72 saatdan az vaxt olacaq! Qoy ən yaxşısı finala çıxsın! Uğurlar!”

La Liqada “Real” – “Leqanes” matçı martın 29-da keçiriləcək. Kral kuboku yarımfinalının “Real Sosyedad”la cavab oyunu isə aprelin 1-də olacaq.