ÇL: “Tarixin gedişatını dəyişmək çətindir” – Qalte

PSJ-nin baş məşqçisi Kristof Qalte Çempionlar Liqasının qrup mərhələsinin 1-ci tur matçında “Yuventus” üzərində qazandıqları qələbəni (2:1) şərh edib.

Komanda.az “RMC Sport”-a istinadən xəbər verir ki, baş məşqçi ilk hissəni yaxşı keçirdiklərini deyib:

“Bu nəticədən sonra bir rahatlama var. Lakin rəqib cərimə meydançasındakı oyunda güclüdür. İlk hissəni çox yaxşı keçirdik, amma buraxılan qoldan sonra sözün əsl mənasında əziyyət çəkməyə başladıq. PSJ heç vaxt “Yuventus”u məğlub etməyib. Tarixin gedişatını dəyişmək çətindir. Amma əzab-əziyyətlə qalib gəlmək komandanın böyüməsinə kömək edir”.

Çempionlar Liqasının qrup mərhələsinin 1-ci turundan sonra PSJ 3 xal toplayaraq H qrupunda 2-ci pillədə qərarlaşıb. “Yuventus” isə 0 xalla 3-cü pillədədir.